南蓮 " 監獄 " 遊

志蓮淨苑的管理手法, 一向都為人詬病, 過份苛刻, 已是公開的事實, 所以, 如不是必需的場合, 儘量不會去這地方的, 有違常理的地方, 去不去也不是損失..

這一排香港是下雨天, 香港只有的志蓮淨苑有古風的簷篷, 要拍簷前滴雨, 只有萬般不願的前往志蓮淨苑拍攝, 黃雨出車, 轉眼已由屯門到達荷理活廣場, 但雨竟然停下來, 只好在志蓮淨苑內等候, 等了個多鐘, 在大前殿旁, 可以遮雨的地方等, 等候下一場大雨來臨.

拿著重重的相機, 等了個多鐘, 等待得人也累了, 放下相機, 做了舒展手部的運動分多鐘, 立時看到高貴的實 Q向自己行過來, 顯現是衝著我來, 因為整個志蓮淨苑, 只有我傻傻的企在殿旁等候.

他向我說: 不要在此做運動, 我當然明白佢意思, 在殿旁做運動, 可能對神佛不敬, 但只是分多鐘的伸展, 不是有意在此長時間做運動, 是不是過敏一些呢~~ ?

鑑於一向也知他們苛刻的手法, 自己亦不和他解釋, 此地不留人, 自有留人處.

向前門行, 對面正正是另一出名的南蓮 " 監獄 " , 和志蓮相同的管理公司的~~

南蓮的出位行位, 自曾特首一遊後, 接連發生了幾件事情, 突顯其專横的管理手法, 最吊詭的是, 經過幾次事件, 管理照舊, 即是政府或者管理公司, 是默許這手法, 沒有不問題, 對於一個公開公共的公園, 竟然有那麼多的限制, 直似監獄一樣, 何苦由來 ? 公園的宗旨是如何 ?

大家可以看看, 先前發生的苛刻事件, 報紙亦有報導的~

wikipedia 上提及的 "管理手法爭議"

大陽報的報導

早前朋友真實發生的事情, 亦已去信報章投訴.

南蓮園池遊記

早幾日俾D公園Staff足足跟左成粒鍾....
我幫個朋友影相, 佢話我地用d機太Pro (D200/5D),
唔似係一般家庭式攝影 (但公園入口又冇"不准攝影"的牌).....
我地(Total 3個人)都冇阻到其他遊客, 閃光燈都冇用過....
"自由人"block左成條路, 幾個遊客用1-2分鍾幫另一遊客影張人景合一相就冇事,
用大機用下唔同的角度影下d人景合一的相就有問題??
(有D伯伯用DV Cam影都已經被干預了)

而且班Staff響冇預先警告下遮擋鏡頭! (即係就算你有枝f/1.2鏡, 開大光圈,
淺景深都會食左兩個攝石人的Staff,而且係好有系統咁排.........
務求破壞張相為目的~

佢地的行為, 我仲以為上左去祖國影左唔知咩國家機密...)
班人跟左我地10 min之後, 我已經忍唔住開口了...
個便衣(女人, 身型稍胖, ~1.6米高, 冇記錯係拎SE電話的)
之後仲話佢係遊人, 佢有自由點行...
(我地之前睇住佢響Restricted Area行出黎....
擺明就係便衣Staff!!個女人仲係死口唔認....

我心諗乜呢度幾時變左明代, 個公園多左咁多東廠的錦衣衛的?)....
[按: "南蓮園池"已裝有24小時監察系統及多部閉路電視]

佢地冇正面解釋點解唔俾....
我覺得係唔係商業攝影係睇你張相的用途而唔係你的攝影器材及攝影技巧,
如果有遊客係影風景的, 之後又拎左張相去雜誌投稿, 得埋大獎, 呢d又算唔算呢?
我再問: "即係你地班前線Staff/保安負責藝術審查?"

保安說: "係"

保安之後說: "你地只可以用一部相機及一枝鏡頭拍攝..."..

我與友人答允後, 之後就每次一機一鏡出現.....

~15分鍾後.....
就響更換鏡頭期間, 原本已經係離遠監察的Staff慢慢一擁而上,
之後o個圍埋黎的3-4個保安勸籲我地即時離開, 話我地已經影夠
(其實o個15分鍾只係影左10張相左右, 班Staff係知的,因為佢地一直跟住...)

之後再次同保安理論起來, 你咁歧視我地, 倒不如你地響個網頁, 出曬相,
話俾人聽咩叫標準進園裝備吧.....

保安笑說: "你地肯投訴反映的話, 可能會咁做都未定..."

(擾攘中, 保安只係話: "你有不滿, 可以投訴, 收左意見之後可能有改善都未定........"
其實只係想你快d走而已....)

我話: "我之前唔係未complain過香港政府, complain完, 又係得d

官方reply, 根本就冇solve到個problem.."

保安: "...(冇正面reply)"....

另一保安之後話: "呢度係一個open的藝術地方, rules係有唔同..."

我說: "攝影不是藝術嗎? (歸根咎底, 如果用DC仔就唔會有事)"

我再說: "如果我同女朋友, 老婆入黎影相, 又會唔會係咁"

保安: "......"

另一保安: "我地都係打工, 你有咩就寫信complain, 你地都happy完啦...."

我: "Happy???有你地咁多人招呼都仲可以happy???唔係化...頭先個女人擺明就係Staff,
你地根本響度扯貓尾之嘛...." (女人"錦衣衛"此時已經唔響度了....)

(在場的人見我地開P開得咁過癮, 有D花生客都八掛聽下~)
......
.......

我: "算吧啦, 再係咁都係冇意思, 呢個場都係俾曾特首行啦..."
.......

最後由數名保安人員監視下, 成功"敗走"南蓮園池..

By 維珍航空


看過了這麼多的報導, 還有十大禁令等等, 自己亦抱著被跟蹤, 被監視的心理, 由志蓮向南蓮進發.

閑日, 下雨天, 沒有太多的遊人, 有的只是內地朋友的遊覽團.

入口處, 一如其他朋友描述一樣, 只可以 one direction 方向參觀, 為何這樣 ? 不知道...

轉個彎位, 已見了園地的地標, 一個金色的亭台樓閣, 很耀眼, 正想過橋而入




但發現, 有一圍欄禁入進入..



大好的景觀, 竟然不許遊人進入, 初時剛開放時, 以為未完工, 所以沒有開放, 到了此時此刻, 仍沒有開放 ..

沿著單方向前行, 單單對單方向前行計, 自己本身沒有甚麼反感, 就順著前行吧, 而可能是閑日, 保安亦相對不是很多, 沒有太被監視的感覺.

自己亦沒有拿出單鏡機, 只是持著普通的 DC, 這亦沒有引起保安員的 "關心"

但陸續發現, 一道又一道的圍欄, 會出現在你眼前..


這裏有..




這裏都有..




這個靚靚的亭台, 亦不能進入..




這裏大家還記得吧, 是開幕時, 曾特首曾在這裏喂錦鯉的, 自己也想一嚐這風味, 立時向入口進發




很開心, 遠看竟然沒有圍欄出現, 加快腳步




但入口竟然看見這個溫馨提示... 沒有消費是不能進入扮曾特首的~ Orz..



沒有興趣再在這小小的園林逗留了, 還掂甚麼地方也不能進入, 只有行人路, 消費點可以讓你進入, 園方管理沒有解釋, 自己亦沒有興趣知道, 因為以他們這樣苛刻的手法, 解釋也只是帶你遊花園吧..

離去時, 還不停看見不能進入的圍欄, 真是不到你不服, 如下相, 只是少少的一條路往涼亭上, 也不能進入, 真是摸不著頭腦.



想深一層, 真是要多謝相關的管理階層, 為沉悶的香港, 帶來那裏多的笑話, 那麼多的話題, 結論是, 要努力啊, 只要我做到了特首, 我就有機會進入~ 果是振奮香港人努力上進的原動力, 還是快快離開這裏, 回家努力工作吧 !

今天寫得很長.. 無辦法, 對這樣鼓勵上進的手法, 非常 "感動 :P
click to enlarge


.

留言

  1. 果然監獄,大開眼介。

    點解 D 人經常做出令人唔開心的事情呢?還是佢地跟本不快樂,連帶別人也不能得到快樂呢?

    又一政府懂得花大錢給小眾的超級無敵浩瀚偉大無乜希望工程。善哉何來?

    回覆刪除
  2. 此留言已被作者移除。

    回覆刪除
  3. 天水圍龍園都有得影啊

    回覆刪除
  4. 本來這兩個地方我也想過要去,就是知道有這些無理的規條而卻步,反正不去也沒多大損失。

    還有一個是搞藝術的「牛棚」,搞藝術的地方禁止攝影,真的無言。

    凡此種種,有時我會覺得很悲哀,因為我們的社會已病入膏肓。

    野孩子上

    回覆刪除
  5. milmil ~~
    成日都話, d 高官高高在上, 去到又有專人招呼, 點會知人間發生既事~~
    投訴接受, 態度照舊..

    DICK ~
    真係幾年無去了, 受不了保安的"熱心" 態度.. 有謂佛導有緣人, 只好嘆無緣了~~

    野孩子~~
    牛棚單野, 不了了之~~ 只是覺得他們在小圈子裏創作...

    匿名者~~ 多謝提供資料, 我去 SEARCH 睇下~~

    回覆刪除
  6. 網誌管理員已經移除這則留言。

    回覆刪除

發佈留言

此網誌的熱門文章

又黎 DIY, filter holder for panasonic 7 - 14mm ultra wide lens

讓沒有無線連接的DSLR相機也可以用無線連接 TP LINK TL-MR3040