我攝故我在



管理了數 碼攝影新聞組 幾年, 先不說管理上的辛酸, 說說幾年的少少所見 ...

先說明, 所有數據是 主觀地 由新聞組上統計出來

01. 一部份朋友喜愛討論器材多過討論攝影

02. 一部份朋友享受手持相機的感覺多過享受拍攝


03. 一部份問了買機問題, 但跟手會消失不見, 又不見買了相機後所影的相片


04. 一部份討論器材的朋友, 絕少上傳相片


05. 一部份朋友上班時很多時間上新聞組


06. 一部份朋友晚上很遲睡覺, 因為晚上的 post 數量會突然上升直至深夜


07. 一部份朋友不知版規內容


08. 一部份朋友買機多過買相集


09. 一部份朋友覺得, 飯係隔離香, 老婆係人地靚, 自己部機唔及其他人


10. 一部份朋友覺得吹水勁就等於攝影功力勁


11. 一部份朋友好鍾意新聞組有爭吵, 好多可以途中 "抽水"

12. 一部份朋友, 一黎就出 POST 問問題, 不會先看看版上舊 POST, 有時問的問題, 原來剛剛答過了.

13. 一部份覺得新聞組有好相睇係應該, 而沒有回想自己有沒有共同付出, 只是想有東西取走, 而不想付出, 所以成日聽回來的意意見, 新聞組大不如前了, 這都是典型只想取而沒有付出的例子, 新聞組是靠大家無私付出, 才有成果, 出相的朋友全是自發 ( 在這處先多謝這些朋友 ), 不一定要 服侍 背後的 cdrom, 個個只看而不共同付出努力, 如何有好東西看呢 ?


14. ........ 不說了, 可能已經得罪了很多朋友, 但我以上所說, 很多是事實, 希望大家記著, 攝影除了以討論器材外, 還有很重要的一環, 就是要影相, 攝影是一個動詞, 要去拍攝才有相片...
而不是紙上談兵 ....
同時十分感謝幾年來, 出口 (討論器材) 又出力 ( 同時拍攝相片 ) 的朋友, 大家付出的時間與心血, 我是看見的, 在此再說多謝一聲, 希望大家付出的努力, 能令香港的攝影壯大, 而不是在一片爭論中消失 ....

看到這篇文章的朋友, 應該都是多攝影的一群, 因為看我這個 BLOG, 多是講攝影為主, 比較少討論器材, 所以看我 BLOG 的朋友, 應該也是抱著同樣的性格和心情, 我估計應該知道我所說的問題重心, 看不到的就由他吧, 他們正正是我所說的一部份 .....

有時間又可以講下, 管理新聞組的辛酸 ...

留言

  1. 光圈先生︰

    其實我也看了這個新聞組幾年,以前也一直是CD-ROM多,我學習攝影也不是很久時間,但在這裡也學到不少東西!

    幾個月前看了你個BLOG,覺得你很用心更新BLOG在的文章,討論的也是與攝影相關。我也很愛攝影這興趣,看了你的BLOG,我也受了影響開了個BLOG與朋大分享我的攝影興趣。

    管理一個新聞組真的一點也不容易,加油!支持你!

    回覆刪除
  2. 雖然我寫野唔叻,影相又唔好,不過我亦會全力支持你既,加油呀!!!!

    回覆刪除
  3. 好長....
    不過,辛苦晒

    回覆刪除
  4. 我有:
    05. 少少
    06. 個個日頭都返工,係咁上下呱
    07. 申請信用0吉問題,邊個睇晒terms & conditions
    12. 人人為我 我為人人


    期望就係唔好有期望,做好自己,一定可以感動其他人既,大家明架啦

    回覆刪除
  5. arthur,
    睇左幾年先影, 咁有定力 XDD
    我睇左個零月, 就知數碼相機好O岩我, 即時就買部 SONY S75, 進入攝影世界 ~

    用心寫 BLOG, 以前都講過, 係對自己的要求, 如果少少都做不到, 做兩做, 過左個新鮮感就停, 呢 D 係人既心魔, 無理由輸俾佢, 但無時間另計 XDDDDD

    大許 ~
    你 D 相都 OK 丫, 記住用心影就得, 多謝

    icon ~
    我都希望感動到其他人 ~ :p

    回覆刪除
  6. 但係你得罪我喎....^^

    回覆刪除
  7. ICON,
    無計, 生活係呢個世界, 唔係你得罪你, 就係你得罪我 XDDDD

    回覆刪除
  8. 光圈先生︰

    我唔係睇左幾年新聞組先影相,我也很喜歡數碼攝影,第一次見到有個朋友帶了部N記扭鏡頭0個部CoolPix 990影相,覺得數碼相機那種即影即看的感覺很正!於是隨即走了百X匯買了部C記部IXUS V,之後又玩過Sony S85,舊年先開始玩DSLR買了部350D~

    我都幾欣賞你每天的文章,很有感染力!

    我開頭開個BLOG的時候也試過兩三個星期沒有寫過文章。有次在你BLOG上看到你有篇文章叫「堅持」,於是我又學下你堅持,即使生活很忙,也堅持發表一下我的偉論!!XD!

    你也努力~支持你!

    題外話,你可以 ADD 我 MSN嗎?
    arthursze@hotmail.com

    回覆刪除
  9. Arthur ~
    好 ~ 一齊努力 ~~
    msn added ~

    回覆刪除
  10. 其實我自己都係一個新聞組o既版主...
    我係好明白你心情...
    不過當然我管果一版係容易過你好多...

    我果一版o既版規好簡單...
    但係大家相處得好融洽...

    有時人流多就係有D唔好處...
    都冇辦法...

    係咪突然有D想做番平凡人o既感覺呢...
    哈哈...
    如果你有興趣...
    都可以黎我個吹水谷度參觀下...

    回覆刪除

發佈留言

此網誌的熱門文章

又黎 DIY, filter holder for panasonic 7 - 14mm ultra wide lens

讓沒有無線連接的DSLR相機也可以用無線連接 TP LINK TL-MR3040